C'mmons baby! #89 (fillas da loba)

Facemos oito anos de emisións. Este de hoxe non é un programa especial, é un programa inmortal.
Queridos amigos, a natureza é cruel e salvaxe, só sobreviven os animais afoutos, como a loba; hoxe, día de defuntos, imos ouvear á lúa como quen venta o final. Aaauuuuuuhhhhhhh!! (duración: 23'20'').


baixar .mp3 / baixar .ogg

• Vita and the Woolf. Mary  (Single Fang Song, 2014, CC-BY-SA)
• Kira May. Wolves (EP Health, 2014, CC-BY-NC-ND)
• Katy Kirby. Favorite person (Single Favorite person, 2014, CC-BY)
• Mr & Mrs Smith. Moonshine lullabies (LP Taxidermy: Brought Back To Life Blocsonic 2015, CC-BY-NC-SA)
• Aaahhrchestra. AAAHHWOOO! (LP AAAHHWOOO! compilation, 2014, CC-BY-NC)

Ligazóns relacionadas: Blocsonic, Aaahh! Records.

Faixa fixe da semana (16): "Bury you", Vita and The Woolf

Vita and The Woolf é unha banda de Philadelphia liderada por Jen Pague e esa súa voz que mete medo do espectacular que é. Como mostra, esta faixa, Bury you, acompañada só dun teclado, coa que pretendían convencer a xente para axudalos a gravar o seu novo disco, e abofé que convenceu.

+ info: o seu bandacamp, o seu soundcloud, o seu twitter, o seu facebook.

Faixa fixe da semana (15): "Uh, uh, uh!", The Homens

Aproveitamos que o vindeiro 12 de xuño The Homens se arrexuntan, despois de catro anos para dar un concerto na Sala Capitol de Santiago, para dedicarlles a faixa fixe da semana.

“Vamos facelo con todas as súas consecuencias, arramplando cun repertorio de oldies e de zurra estrema, en formación de a catro, con Tomás Ageitos aos mandos técnicos e outra vez coas zamarras de raias”.

Non é sinxelo escoller unha soa faixa de todo o seu repertorio (a propósito, para axurdarlles a escoller as que vaian soar ese día, aquí teñen un formulario no que podedes marcar as vosas favoritas), mais decidimos torcer por "Uh, uh, uuh!" que fora escolmada naquel mítico compilado Share It Spread It Love It que publicara a plataforma alemana Metawelle no 2007 e que tan bos descubrimentos nos dera.

 +info: The Homens no bandcamp, o seu facebook, o seu twitter; Sala Capitol.

Faixa fixe da semana (12): "Little Foxes", Red Cosmos

Hai días nos que abres a caixa de correo electrónico e descobres que o Plan de Dominación Mundial non che foi tan mal...
Esta semana chegou a carta dun iorquano do Reino Unido, Kim Tortoise aka Red Cosmos, que me pedía que lle botara unha escoita ao seu novo disco, Dreaming In Unison (2015), e se me prestaba que por favor o promovese un pouco no C'mmos baby!.
Entre as cousas que el di, no seu bandcamp, que a xente comenta da súa música, hai unha frase coa que me identifico: "It’s weird music that I mostly hate"; e eu engado: "but I like it!".

+info: Red Cosmos en Soundcloud, no archive.org, no last.fm e no Youtube.

Faixa fixe da semana (11): "Great Pyramid", Celebration

Celebration é unha banda de Baltimore, liderada pola vocalista Katrina Ford e o músico Sean Antanaitis. Publicaron os seus dous primeiros discos, Celebration (2005) e The Last Tribe (2007), para 4AD e chegaron acadar certa sona entre o público e os medios máis espelidos. Mais racharon coa discográfica e un par de anos despois deciden facer un experimento, o album Hello Paradise (2010), "inspirado" no tarot e cunha premisa:

"Our plan and experiment is to post new songs monthly, as we create and record them. Under the creative commons attribution non-commercial share alike license..."

O compilado está cheo de grandes faixas e conforman, na miña opinión, un dos máis grandes discos publicado baixo licenzas Creative Commons.

+info: Celebration website, blog Electric Tarot, no Instagram, no twitter, en bandcamp, en soundcloud e no flickr.

Faixa fixe da semana (9): "Río", Flor Braier

Recuperamos este fermoso costume, o de agasallar a semana cunha canción, con Flor Braier, moza barcelobairesa (seica cunha perna en Barcelona e outra en Buenos Aires) da que pouco sabemos agás que é desa nova fornada de mulleres cantautoras, mozas, de voz doce e arranxos mínimos que tanto prestan.
No seu bandcamp ten para escoitar un EP e un miniLP.

C'mmons baby! #87 (afrancesadas)

Como ovos batidos até homoxeneizar clara e xema, e pasados despois pola tixola, así andamos... afrancesando a música (duración: 17'23'').


baixar .mp3 / baixar .ogg

• Rachel Baz. J'aime toi  (LP Ramenez-moi, 207)
• Half Asleep. (une histoire d’)Astronautes-marîns-pêcheurs (LP Subtitles For The Silent Versions, 2011)
• Josianne Paradis. Au coeur de toi (LP De Lorimier, 2014)
• Jorge Bernstein & The Pioupioufuckers. L'homme à sept vies (EP  L'amour élastique, 2011)

Ligazóns relacionadas: We Are Unique Records, Half Asleep en Cb!, adiffusser.

Faixa fixe da semana (8): "Thelma or Louise?", Angil and the Hiddentracks

A semana pasada non houbo faixa fixe, porque houbo "emisión", mais retomamos cun vello coñecido, Angil and The Hiddentracks; formación liderada por Mickaël Mottet, músico xa de longa traxectoria que apostou desde case que o principio polas licenzas CC. É membro tamén do colectivo-discográfica francés We Are Unique Records.
Escollemos unha canción que fora adianto do seu disco, cheo de colaboracións, The And (2010), Thelma or Louise?, e na que compartía voces Françoiz Breut.

+info: Discografía de Angil, en deezer, en facebook.

C'mmons baby! #86 (meter a zoca)

Na anterior emisión metín a zoca, dixen Dédalo onde debería ter dito Ícaro, e non vai ser a última vez que o faga. Hoxe mesmo esquecín dicir "...cuando el público hace caso" antes de poñervos un importante aviso da xente de proxecto dHábitat. (duración: 19'37'').


baixar mp3 / baixar ogg  

• Nouvelle Cuisine. Ícaro (EP Mientras tanto (Colección otoño​/​invierno), 2012)
• Cynical Sense (Dada and The Weathermen). Hello black and white bird (LP In airplane trouble, 2007)
• L.A.W'. Les files d'attente (LP Sans gêne ni oxygène, 2012)

Ligazóns relacionadas: Entrevista a Nouvelle Cuisine, dHábitat, LMEY Arquitectura, The Old Dada Weatherman en jamendo.com, Dada The Weatherman en jamendo.com,  La noche del hombre lobo.

Faixa fixe da semana (7): "When I'm gone", Robin Mitchell

Robin  Mitchell é un cantante e poeta de Bristol que gosta de mesturar xéneros, tomar emprestado e mesmo "roubar".
When I'm gone é a faixa que abre un EP novo do trinque, Dust (2014), que compuxo durante a súa xira pola China este verán.

+ info: robinmitchell.co.uk, en twitter, en soundcloud.

Faixa fixe da semana (6): "Se caio", Projecto Mourente

Projecto Mourente entrou nas nosas orellas aló polo 2006 e a súa popularidade medrou axiña, coma os eucaliptos baixo os que naceu, no desaparecido netlabel A Regueifa.
A súa discografía está chea de pop electrónico doméstico, con letras ben traballadas, e inzado de pequenos hits que chegaron para ficar, xa, na nosa memoria emotivo-musical. Quen sabe se un día acaba representando a Galiza ou a Portugal no festival de Eurovisión...

Se caio é unha das faixas recollidas no, até hoxe, seu último disco: A pior (2012).

+ info: @pmourente, no tumblr.

C'mmons baby! #85 (sete anos, sete faixas)

Celebramos o sétimo cabodano con demora e o anuncio de nova época e formato. Comentamos tamén o resultado da enquisa que lanzamos días atrás e obramos o que consideramos mellor (para ter máis ou menos contentos a todos). Estreamos nova sección: As faixas do faiado, recuperando aos The Dots. (duración: 39'20'').


baixar mp3 / baixar ogg

• Juani. Déjame entrar (La paz ciencia, LP 2013)
• The Dots. C'mon babe (Fashion for the dressed and naked, LP 2007)
• Kana Kapila. La gente no entiende nada (Tambor, canción y danza, LP 2014)
• El Diluvi. Alçar el vol (Motius, LP 2014)
• Carroll. Lead balloon (Needs, EP 2014)
• Maya Solovéy. A vida (I:II, LP 2011)
• Dadalú. Brilla (Periodo, LP 2011)

Ligazóns relacionadas: Radio Bertoldo.

Faixa fixe da semana (3): "Lavender", Power und Beauty

Power und Beauty son (ou eran, non sabemos que foi delas desde 2011) catro mozas de Spokane, (Washington): Sarah Moyer, Caroline Fowler, Anna Collins-Wakeman e Karli Fairbanks.
Facían un folk-pop feitizeiro, cheo de harmonías vocais, valses e ritmos bávaros. Descubrímolas no selo Peppermill Records, onde aínda podedes atopar o único disco delas que coñecemos, The Gnome EP (2010).
Tamén podes escoitalo e baixalo no FreeMusicArchive.