Regresamos despois do secuestro. Se cadra precisaba tempo para recuperarme da experiencia, mais nunca houbo C'mmons baby! secuestrado que non regresase, e aquí andamos de volta; dando conta dalgunhas novidades que saíran mentres estivemos ausentes (duración 18'45").
Despois de máis de mes e medio de atraso chega o especial 5º cabodano. É pouco especial, a non ser porque é o duplo de longo na duración. Pedimos perdón pola demora e repasamos músicas dalgúns vellos "amigos" e traemos outras dalgúns novos. Tamén anunciamos que de aquí en diante C'mmons baby! vai ser reemitido desde Madrid via Nosuti Radio. (duración: 34'19")
Os paxaros foron cantar á terra do millo corvo porque son ceibes, porque poden ir e vir onde lles pete. Pola contra, nós (tamén coñecidos como humanidade) somos escravos dos cartos (duración 16'30").
Podedes baixar un .ZIP coas cancións que soaran aquí (35,56 MB) ou escoitar a emisión completa aquí (agora RGM ten podcasts, eís o rss de Radioceánica.
Comezamos ano e emisións desde o noso novo Oslo Studio con gañas de bailar. Tamén vos comento, para os que ainda non o sabedes, que desde a emisión #9 de Io~nos, tedes alí un micro-espazo chamado Petit commun, onde cada mes vou ir deitando músicas libres que ás veces fican fóra de aquí, ou non, xa se vai ver como deriva a cousa.
En calquera caso, esta primeira emisión do ano é para nos recargar de enerxía positiva (duración: 29'23'').
Este si é o especial 3º cabodano de C'mmons baby!
Primeiro de todo agradecer aos que escribiron e/ou mandaron mensaxes sonoras para unirse a esta pequena festa.
36 meses, máis de 60 emisións, 10 entrevistas, ninseicantos músicos e cancións... xente que escribe e nos sigue desde unha chea de países do mundo... se cadra o PDM non vai tan mal. (duración 53'08")
E ficou fóra por falta de tempo: Yawn. Toys (Yawn EP).
Podedes baixar os temas aquí (.zip 40.24 MB) ou escoitar a emisión completa aquí, calcando en Horario e gravaciónse e buscando a emisión do 10 de outubro de 2010, ou directamente aquí.
A pesares da ausencia destas catro longas semanas puiden seguir, grazas aos rss e a internet, moitas das cousas que fixeron os músicos que comparten a súa música con nós. Houbo algunha "mala" nova na rede galega, mas como dixo o filósofo: "os ocos están para enchelos..." de música que agardo sexa do voso gusto. (duración 39'06'')
Chega o verán e a xente migra cara terras quentes onde torrar a pel; e din que no sur vai máis calor; aínda que non imos baixar muito que agora mesmo no hemisferio austral andan no inverno. (duración 31'44'')
Benvidos á primeira emisión do spin-off de C'mmons baby!: Fora de tono, música libre para ouvidos (ou orellas) ultrasensíbeis.
Quixen enxertar este esgallo do programa nai para facerlle un pouco de sitio a esas músicas que están algo fóra do abano, máis ou menos estándar, do pop-rock que vos presento en C'mmons baby!
O formato vai ser moi sinxelo: introducir as composicións e a información dos artistas ao primeiro (2 ou 3 como moito) e despois darlle ao play tentando non pasarme dos 10-15 min. A periodicidade vai ser irregular, aínda que farei por que haxa unha emisión ao mes.
O rss é o mesmo de C'mmons baby! así non tedes que subscribirvos a nada novo. Comezamos, 1, 2, 3... (duración: 13'05")
A emisión de hoxe ten dúas partes: unha máis calma e outra máis enerxética. Mostramos o proxecto solo de David Miranda, cantante e guitarrista de Nouvelle Cuisine, a primeira (que saibamos) aparición de Mia Doi Todd nun disco publicado baixo licenzas CC, repasamos algún disco de hai tempo e damos a benvida ao novo EP do trío californiano The Franks. (32m12s).
Regresamos despois da pausa de agosto (cun día de demora). Demasiadas novas músicas nestas semanas para traérvolas todas, aquí vai unha pequena escolma dalgunhas das novidades que nos chegaron nos últimos tempos. O derradeiro lanzamento da Merzbau, un outro máis destacado da Flor Caveira, nova canción de Celebration, novo proxecto de Juan Mateos Silva (sofarojo), novo compilado do netlabel 23seconds e unha suxestión dun ouvinte. Quen dá mais por menos?
Neste mes de agosto, dun verán de chuvias e nubes, chamamos polo sol para ver se quencemos dunha vez. Procurámolo en Maryland (EUA), na Cataluña dúas veces e outras tantas na Arxentina, en Portugal e nos Paises Baixos.
Imos marchar uns días de vacacións, que isto tamén dá traballo e ben merezo un descanso... regresamos non en quince días senón en vinteun, aló no 23 de agosto. Tomade o sol, mas con precaución e protección (duración: 29'30").
Na entrevista com o b fachada falamos deste documentário de Tiago Pereira; esquencera pór uma ligação, agora ponho o trailer. No Bodyspace falaram dele há já uns meses, e mais entrevistaram também ao b fachada.
Cun pouco de demora (desculpas) traemos a entrevista a b fachada, que realizamos no pasado mes de xuño no Porto, no Contagiarte. Participa na entrevista, preguntando, o amigo Isaac González condutor de Radioceánica, na Radio Galega Música. Tamén soa unha promo do podcast canario Doramas, que fala coma nós de músicas libres, e que presenta Miguel Acín.
A foto tomeina de Vera Marmelo. Obrigado a todos.
Fóra chove e dentro aínda sentimos a resaca de emocións musicais que b (fachada) e noiserv nos fixeron sentir no espazo cultural Contagiarte do Porto. Encetamos un novo espazo para músicas menos pop-rock, fóra de tono, a petición dun ouvinte; por recomendación doutro descubrimos ao Dúo Cobra e presentamos cadenseu segundo disco dos starstarsar e os The Wind Whistles.
Aproveitando que o pasado 21 de maio foi o día da diversidade cultural, iniciamos o C'mmons baby! en inglés (:P) e facemos unha pequena viaxe por linguas aínda pouco "populares" á hora de cantar nesta península nosa: asturiano, éuscaro e catalán... Tamén polo aquel do DdoOLeR e o día da Toalla paramos un chisco en Portugal para darlle a bemvinda ao regresso do netlabel You Are Not Stealing Records. Rematamos cun adianto do xa inminente novo disco dos Ataque Escampe, A grande evasión.
Recupero as entradas das miñas colaboracións en Radio Oceánica, que tiña algo abandonadas. Este domingo 3 de maio fixen a seguinte escolma (ainda que só puideron emitirse 4 cancións por falta de tempo).
Levabamos xa tempo detrás dos Nouvelle Cuisine para que nos falasen do seu último disco "de memoria"; aproveitamos que van tocar o 1 de maio no Festival do Norte para entrevistar a Carlos Lens, baterista da banda. Descúbrenos as sorprendentes aventuras e desventuras de sacar un disco fóra da "industria" (a entrevista fíxose na terraza do bar As Dúas, onde non é raro escoitar as músicas recollidas nas escolmas de C'mmons baby! ao tempo que comedes unha das súas fabulosas tostas).
Tamén temos unha pequena lembranza para o 25 de abril portugués, e despedimos ao netlabel Merzbau. Rematamos cun disco dos Keyboard Rebel (baixo o alcume de Slope) que fixeron alá atrás en apenas 24 horas pechados nun cuarto.
De cada vez hai máis músicos, xa con nome feito e sona, que fuxen das súas discográficas, rachando as cadeas que os atan, para sentirse libres e ter así o control da súa obra; para decidir eles o xeito, o onde e o cando distribuir a súa música. Hoxe en C'mmons baby! imos falar dalgúns deles. No blog Remixtures publicaron o artigo que nos inspirou e desde o cal partimos nesta viaxe.
Tamén desvelamos o gañador do concurso de Keyboard Rebel, con quen axiña imos contactar por correo electrónico para acordar como enviarlle o premio. Parabéns ao afortunado!
