Adíase un pouco máis o regreso

Por mudanza de morada, o regreso de C'mmons Baby! vai adiar un pouco máis, síntovolo. Déixovos o disco recomendado da semana: Post-Apocalyptic Love, dos The Very Sexuals; non especifican que sexa distribuido baixo licenzas abertas, mas si se pode descargar de balde na súa web.
Lémbrovos que aínda se pode votar polo deseño da camisola, no foro do grupo no last.fm ou aquí no blog. De momento, a cousa vai parella: 5 votos preta, 4 votos branca... tedes até o 3 de outubro para votar.

Abraços e bejinhos!

Enlaces relacionados: The Very Sexuals, NeonBelle, Pien Feith.

Merchandising baby!

Case a piques de regresar con novas emisións, ando pensando en facer un pouco de promoción analóxica; e pensei en imprimir unha ducia de camisolas co símbolo de C'mmons baby! Mas teño un problema, non me decido polo deseño e quero que me axudedes a decidir: a negra ou a branca?
Deixade un comentario ou mandade un correo coa vosa preferida.

Lémbrovos tamén, que abrín un grupo no Last.fm onde entre outras cousas ides poder enterarvos dalgunhas novidades ou curiosidades que por H ou por B non poño aquí, como por exemplo que segundo Feedburner levamos máis de 1.000 descargas entre todos os episodios (mas 11.649 visualizacións segundo Blip.tv)

Até breve!