Comezamos ano e emisións desde o noso novo Oslo Studio con gañas de bailar. Tamén vos comento, para os que ainda non o sabedes, que desde a emisión #9 de Io~nos, tedes alí un micro-espazo chamado Petit commun, onde cada mes vou ir deitando músicas libres que ás veces fican fóra de aquí, ou non, xa se vai ver como deriva a cousa.
En calquera caso, esta primeira emisión do ano é para nos recargar de enerxía positiva (duración: 29'23'').
Chega o verán e a xente migra cara terras quentes onde torrar a pel; e din que no sur vai máis calor; aínda que non imos baixar muito que agora mesmo no hemisferio austral andan no inverno. (duración 31'44'')
Chegou a primavera, tempo de sol e calor; mingua a roupa e medra o amor. Non sabe un moi ben como é que acontecen estas cousas, mas súpeto un día veste arrodeado de osos, polares ou bi-polares a meirande parte deles, é por iso que hoxe facemos unha viaxe ao redor de proxectos que dun xeito ou outro teñen a ver con osos e feras. (duración: 33'36'')
Fóra chove e dentro aínda sentimos a resaca de emocións musicais que b (fachada) e noiserv nos fixeron sentir no espazo cultural Contagiarte do Porto. Encetamos un novo espazo para músicas menos pop-rock, fóra de tono, a petición dun ouvinte; por recomendación doutro descubrimos ao Dúo Cobra e presentamos cadenseu segundo disco dos starstarsar e os The Wind Whistles.
Encetamos a semana das Letras, das nosas letras, facendo un pequeno repaso polas novidades na música libre galega destas últimas semanas. Fixemos especial detenemento na Regueifa Plataforma e Fanny + Alexander que, hai pouco, fixo os tres anos desque presentaran aquel Lusco e fusco, e apostaron por pór música aos novos valores da nosa literatura.
Depois de máis de tres anos pesquisando na rede músicas libres, e case ano e medio de C'mmons baby! chega un momento no que é a musica a que xa vén a nós e non precisamos de saír por ela.Comezamos cunha pequena homenaxe a Tom Fahy (Quinn McCarthy) que finou o pasado verán aos 37 anos deixando atrás del, co seu ensemble, máis de 50 álbumes gravados.
Achegámonos ao netlabel Headphone, especializado en música electrónica, despois de que o seu rexedor Tommy nos deixase unha nota no taboleiro de mensaxes do grupo de CB! no last.fm
Celebramos o agardado longa duración dos Quant, e seguimos co concurso aberto na emisión pasada: un lote de merchandising baby! (camisola + 3 chapas) e o CD-single dos Keyboard Rebel (My Lordship) a sortear entre os que respondan a unha sinxela pregunta, Como se chama o album debú dos Keyboard Rebel?... e anunciamos que o premio, se cadra pode ser incrementado... non digo máis!
Despois de gozar na xornada de reflexión co concerto final de A Coruña Son, hoxe votamos pola música feita para compartir.
Traemos algunhas das novidades de A Regueifa Plataforma, saudamos aos votantes vascos, máis novidades desde a Florida e Alemaña, e un novo concurso de C'mmons baby!
O premio: un lote de merchandising baby! (camisola + 3 chapas) e o CD-single dos Keyboard Rebel (My Lordship) a sortear entre os que respondan a unha sinxela pregunta, Como se chama o album debú dos Keyboard Rebel? Manda a túa resposta ao noso correo ictioscopio[arroba]gmail.com e sorte!
Ah! tedes de tempo até o 28 de marzo.
Hoxe traemos un c'mmons baby! de conto para celebrar o noso primeiro aniversario, quei voa o tempo!
Temos príncipes-vaqueiros azuis, lobos mouros, e unha princesiña de ollos verdes; músicas libres de todas as cores. E de remate unha banda italiana que nos contactou no correo-e para sair neste recuncho e fixémoslle un oco nesta emisión.
Despois da pausa de verán e as mudanzas de morada... Retomamos o fío da emisión anterior e viaxamos até Brasil para escoitar a Mombojó que Jamila Maia, cantante dos Mahalab, nos descubría daquela. Tamén lles damos folgos a Boy Elliot & The Plastic Bags na súa aventura planetaria no Festival Liet-Lavlut de linguas minorizadas. Achegamos os últimos lanzamentos de A Regueifa e de Error! Lo-fi: Zora Gabbara e Be Brave Benjamin. Máis un disco invisíbel, outro neonescente, e os resultados da votación para a camisola de C'mmons baby!
Con algún día de atraso traemos unha estensa e interesante entrevista con Carlos Valcárcel, alma nai de Projecto Mourente, que hai poucas semanas lanzou o seu segundo disco: Kara.o.ke. Maravillosa conversa de case de dúas horas, que resumimos á metade con cancións engadidas, para descubrirmos algúns dos segredos da produción deste agardado lanzamento e algunhas curiosidades e revelacións deste grande artista amador. Abrimos tamén un concurso!! Sorteamos un cd de Kara.o.ke asinado polo propio Carlos Valcárcel entre todos os que respondan correctamente á pregunta: Que é e onde está Mourente? Enviainos un correo-e coa resposta antes do 1 de xullo (e para que vexades que somos bos, imos axudarvos cunha pista, que podedes atopar aquí.)
Desculpai o ruido de fondo que metían uns alumnos que preparaban un traballo deixado para última hora nas mesas do lado. Outras veces que pasamos por El nido del cuco non había tanto balbordo. Agardamos ter mellor son noutras entrevista.
Queriamos ter viaxado hoxe até a Arxentina, mas non chegaron en tempo as reservas. Por tanto, imos improvisar un c'mmons baby! con cancións para namorar, escachar, aspirar, sentir, beber e nincompoopear.
Eis a continuación da entrevista feita a Noel Feáns nos días pasados. Nesta segunda parte falamos tamén do caixón non-musical da Regueifa; de Fanny e Alexander, o dúo musical que Noel desenvolve xunto con Efi Arias; e da revista en liña Sono-Tone. Acompañan a conversa cancións dos últimos lanzamentos do netlabel, Vale Tudo e Ataque Escampe, un tema do segundo disco de Fanny e Alexander e rematamos cos brasileiros Luisa Mandou um beijo.
Estreamos nova xeira en C'mmons baby! (emitindo xa en galego) coa primeira parte da entrevista que lle fixemos hai uns días a Noel Feáns, rexedor de A Regueifa Plataforma, netlabel sobranceiro da escea musical galega, e algo máis. A conversa, gravada no pub Bolengo Pop, de case unha hora dividímola en dúas partes para facelo máis ameno; a segunda parte chegará na vindeira fin de semana. Estas dúas emisións van ser algo máis extensas dos 20-25 minutos que adoita durar C'mmons baby! e a calidade da gravación non é moi alá, mas consideramos que con todo paga a pena a entrevista. A música póñena dous dos últimos lanzamentos da Regueifa e un dos seus grandes descubrimentos.
