C'mmons baby! #07b (A Regueifa Plataforma)

Eis a continuación da entrevista feita a Noel Feáns nos días pasados. Nesta segunda parte falamos tamén do caixón non-musical da Regueifa; de Fanny e Alexander, o dúo musical que Noel desenvolve xunto con Efi Arias; e da revista en liña Sono-Tone. Acompañan a conversa cancións dos últimos lanzamentos do netlabel, Vale Tudo e Ataque Escampe, un tema do segundo disco de Fanny e Alexander e rematamos cos brasileiros Luisa Mandou um beijo.



Baixar o mp3

• Vale Tudo. La Maleza
• Ataque Escampe. Akira Toriyama
• Fanny e Alexander. Cando eu era mozo
• Luisa mandou um beijo. Amarelinha.

Enlaces relacionados: A Regueifa; Sono-Tone; Vale Tudo; Ataque Escampe, no myspace; Fanny e Alexander, no myspace; Luisa mandou um beijo, no myspace; The Homens; María Lado; David Rubín.

C'mmons baby! #07a (A Regueifa Plataforma)

Estreamos nova xeira en C'mmons baby! (emitindo xa en galego) coa primeira parte da entrevista que lle fixemos hai uns días a Noel Feáns, rexedor de A Regueifa Plataforma, netlabel sobranceiro da escea musical galega, e algo máis. A conversa, gravada no pub Bolengo Pop, de case unha hora dividímola en dúas partes para facelo máis ameno; a segunda parte chegará na vindeira fin de semana. Estas dúas emisións van ser algo máis extensas dos 20-25 minutos que adoita durar C'mmons baby! e a calidade da gravación non é moi alá, mas consideramos que con todo paga a pena a entrevista. A música póñena dous dos últimos lanzamentos da Regueifa e un dos seus grandes descubrimentos.



Baixar o mp3

• Capitán Furilo. Beat
• Quant. Dollars in her eyes
• Projecto Mourente. Que me enterrem na discoteca

Enlaces relacionados: A Regueifa Plataforma; Capitán Furilo; Quant, no myspace; Projecto Mourente, no myspace; ouvirmos; Café-Pub Bolengo Pop.