C'mmons baby! no Novas da Galiza nº89

Xa está para baixar o .pdf (1.46 MB) do número 89 (abril 2010) do xornal Novas da Galiza, onde podedes ler a entrevista que me fixo Antía Rodríguez, falando de C'mmons baby!, os meus inicios no podcasting, o tema das licenzas Creative Commons e todas esas cousas. Podedes baixalo entrando na hemeroteca do xornal.

Hoxe estamos en Intangible 23 (Canarias Ahora Radio)

Hai uns día contactou comigo Ayoze García, director e presentador de Intangible 23, un novo espazo sonoro sobre músicas libres. Ben, novo novo non é porque seica levaba xa máis dun ano emitindo por Radio Guiniguada, mas agora deu o chimpo a Canarias Ahora Radio con catro horas semanais (de luns a xoves). Pois ben, envioume un correo para ver de entrevistarme no seu programa e falar un chisco de C'mmons baby! e das músicas de libre distribución; eis que hoxe a partir das 13.00 h. hora das Canarias e Portugal (14.00 h. hora oficial española) estarei nas ondas radiofónicas. Se queredes, podedes escoitalo en directo dende a web da emisora.
Onte falou con David Domingo, de netaudio.es e Phlow.es, dous dos sitios de referencia na escea do netaudio en España. Tedes o corte da entrevista nesta ligazón.
Axiña vai ter traballando os rss do programa para que se poida escoitar encasulado (podcast), entramentes podedes facervos seareiros e estar ao tanto das novidades na súa páxina en Facebook ou na súa conta en Twitter.

Xa podedes escoitar a entrevista aquí.

Graciña Ayoze!

C'mmons baby! no Viralatas

Con algo de retardo deime de conta que no Viralatas nº3 (.pdf 5,55MB) falaron da existencia de C'mmons Baby!:

Podcast de músicas libres
O blogueiro cangués Ictioscopio realiza este podcast quincenal de media hora no que pincha, informa e entrevista sobre músicas de todo o mundo publicadas con licenzas copyleft, con especial atención ás galegas e lusófonas. Para escoitar coas orellas ben abertas.

Obrigado ao responsábel e á xente de Viralatas :)

Opaíí!! C'mmons baby! en Rádio FilispiM

Pois si, agora que xa é oficial, podo dicilo: Esta tempada imos emitir tamén polas ondas grazas a boa xente do Colectivo Opaíí, responsaveis de Rádio FilispiM, a rádio livre e comunitária da terra de Trasancos.

Horarios de emisión en Rádio FilispiM:
Martes: 17:00hs. - 17:30hs.
Venres: 11:00hs. - 11:30hs.

E este domingo... regresamos, andai axexantes!

C´mmonsbabyando en Radio Oceánica

Foi todo súpeto, nin o sospeitaba, mas é un feito.
A partir deste domingo 4 de maio, e unha vez cada seis semanas, vou colaborar no programa Radio Oceánica da Radio Galega Música, onde falarei principalmente de músicas publicadas baixo licenzas abertas. Podedes escoitalo ás 22:00 h. (GMT +01:00), ben pola radio, ou ben pola rede, ou despois cando queirades aquí, calcando en Horario e gravacións.

Quero aproveitar esta notiña para darlle as grazas a Sak por pensar en min para isto, e tamén a todos os que escoitades C'mmons baby! por estar aí e animarme a seguir. Graciñas, de corazón.