Entramos na emisión septuaxésimo quinta, chegados aquí, cumpre reflexionar. Cando comecei con C'mmons baby! pensaba que duraría até os cinco anos ou os cen programas, o que antes chegase; o quinto cabodano está aí á volta e para chegar ás cen emisións faltan polo menos dous anos, agora estou na encrucillada de arriar (como pensara) ou seguir. Isto tamén é voso e quero saber que pensades. (duración: 19'41")
Parecía que o verán adiantado chegara para ficar, mais volveu a chuvia e houbo que tirar outra vez de gabardinas. Tamén Cb! volve aínda que alguén poidera pensar que coas longas ausencians entre emisión e emisión xa estaba morto. Murmuracións (duración: 17'29").
Esta vai ser a última emisión de C'mmons baby! como foi até hoxe, o que veña despois está por ver. Cavilamos no futuro deste falangullo coa ilusión de inchar o peito de novos folgos e de que todo isto nos leve para adiante (duración 26'07").
Esta aínda non é a emisión especial 3º cabodano.
Imos cavilar un chisco sobre a música e o uso que se fai dela nos bares, novos amigos que contactaran con nós estes días atrás, algunha novidade e máis cousiñas.
Queremos, neste programa final do ano e neste tempo no que se fala de amor e fraternidade entre pobos, percorrer o mundo enteiro, os cinco ou seis continentes, para espallar este sentimento de compartir dun recanto a outro do mundo; construindo pontes e ligazóns culturais e musicais.
Hoxe traemos un c'mmons baby! de conto para celebrar o noso primeiro aniversario, quei voa o tempo!
Temos príncipes-vaqueiros azuis, lobos mouros, e unha princesiña de ollos verdes; músicas libres de todas as cores. E de remate unha banda italiana que nos contactou no correo-e para sair neste recuncho e fixémoslle un oco nesta emisión.
Hoxe C'mmons baby! torna internacional cunha entrevista alén mar; viaxamos até Brasil para falar con Jamila Maia, cantante dos Mahalab (São Paulo), que lanzaran hai pouco o seu terceiro disco sob licenzas creative commons na jamendo.com. Unha conversa muito gostosa, onde descubrimos que se cadra a música pode transformar o mundo.
Despois da estensa entrevista a Projecto Mourente e a pausa radioceánica, regresamos con noticias e máis músicas interesantes.
Despedimos ao netlabel Holy Rook, que deixa a súa actividade; dámos a benvida ao regreso activo de Error! lo-fi e a súa nova web con lonxa en liña; descubrimos unha enérxica banda de reggae-ska do norte de Italia grazas ao novo compilado de BlocSonic; o fío lévanos até Cascais desfrutar de b (fachada) e o seu pop erudito; e recuperamos unha faixa muito fixe dunha banda de Philadelphia xa desaparecida, os Rifle Nice.
Non esquezades que ainda está en marcha o concurso de Kara.o.ke.
