Pasou o día de defuntos, o noso cabodano, e chega o noso especial con algo de demora, ben é certo que hoxe é san Martiño, que tamén é un día de defuntos, de porcos defuntos. Repasamos as catro cancións libres máis escoitadas nestes catro anos que levamos de andada. (duración 20'13")
Non sei a vós, mais a min o sol e a praia dánme fame e esta ausencia máis longa do normal tamén; por tanto vouvos levar a un chiringuito a tomar uns novos e gorentosos entrantes e algunhas tapiñas coñecidas mais saborosas.
Setembro novamente, tempo de rentrées, comezar ligas deportivas e novas coleccións de fascículos inútiles. A miña proposta é que enchades os vosos andeis (reais ou binarios) de novos sabores e receitas musicais. (duración 41'41'')
A pesares da ausencia destas catro longas semanas puiden seguir, grazas aos rss e a internet, moitas das cousas que fixeron os músicos que comparten a súa música con nós. Houbo algunha "mala" nova na rede galega, mas como dixo o filósofo: "os ocos están para enchelos..." de música que agardo sexa do voso gusto. (duración 39'06'')
Entrevista a Carlos Barreiro, xornalista musical (Rock de Luxe, Rolling Stone, Fly Music, Sol Música, Público...). Falamos dos novos xeitos de distribución da música e dos rebiricos da relación entre os medios, os músicos e unha industria algo desorientada cos cambios que trouxo consigo a internet. (43'45'')
