C'mmons baby! #13 (demos e sementes)

Regresamos despois da nosa viaxe por Arxentina endemoniados cun novo disco libre dos Nine Inch Nails; descubrimos aos portugueses Les Triple, presentamos o terceiro disco de Mahalab, un trio de São Paulo que buscar curar o mundo coa música; traemos un novo netlabel especializado no jazz e a súa primeira referencia: Surpriscording do saxofonista Hugo Droopy Contini; e despedímonos cunha banda belga, Papa Dada, que topamos grazas ao podcast Eclectia.



Baixar o mp3

• NIN. Demon seed
• Les Triple. Devil is on my 666 house
• Mahalab. Portas
• Droopy Contini. Dewey Square
• Papa Dada. Art Gallery

Enlaces relacionados: Portugal Underground; Raw Bounce Records; Jamendo.com; Eclectia

C'mmons baby! #12 (Argentina, Argentina!)

Estamos de volta!
Despois da estrea en Radio Oceánica (obrigado Sak) regresamos para viaxar, desta vez si, até a Arxentina. Primeira achega especial a un país cheo de músicas diversas e mergullado tamén no conflito do cánon dixital. Deitamos pistas que vos servirán para iniciarvos nos hetereoxéneos camiños da música baixo licenzas abertas na terra berce do tango.


Baixar o mp3

• Lara la. Cuando se esconde
• Modular. Flasheando
• Cursi y Melancólico. Seremos un lugar
• LastraX. Farlands
• Mullieris. La bestia pop
• Mister America. Superación (oda)

Enlaces relacionados: Zona Indie, escolma Canciones Pegajosas; PlanetaX; Lastrax no myspace; NullRepublik; Argentinafolclore.com; o blog de Mister America.

C´mmonsbabyando en Radio Oceánica

Foi todo súpeto, nin o sospeitaba, mas é un feito.
A partir deste domingo 4 de maio, e unha vez cada seis semanas, vou colaborar no programa Radio Oceánica da Radio Galega Música, onde falarei principalmente de músicas publicadas baixo licenzas abertas. Podedes escoitalo ás 22:00 h. (GMT +01:00), ben pola radio, ou ben pola rede, ou despois cando queirades aquí, calcando en Horario e gravacións.

Quero aproveitar esta notiña para darlle as grazas a Sak por pensar en min para isto, e tamén a todos os que escoitades C'mmons baby! por estar aí e animarme a seguir. Graciñas, de corazón.

C'mmons baby! #11 (nincompoopeando)

Queriamos ter viaxado hoxe até a Arxentina, mas non chegaron en tempo as reservas. Por tanto, imos improvisar un c'mmons baby! con cancións para namorar, escachar, aspirar, sentir, beber e nincompoopear.




Baixar o mp3

• Lüdmillä. I'm fall in love
• Holy. Another piece
• Sofarojo. Aspirar
• Fresh Body Shop. All you're never felt
• Novedades Carminha. Dame de Beber
• Josh Woodward. Nincompoop

Enlaces relacionados: Lüdmilä no myspace; Another Record; HolyRook; dpop.es; Fresh Body Shop no last.fm, no jamendo.com; Grandes Éxitos de Novedades Carminha; A Regueifa; Josh Woodward no last.fm.

C'mmons baby! #10 (luns e aluados)

Os luns adoitan ser días treboentos e fodidos, comeza a semana e hai que traballar...
A lúa alúa e fainos tolear, mais tamén é certo que preto da tolemia é onde se acha a inspiración. Sube ao noso foguete espacial, despegamos!
Dicimos bachibozuk e jamacuco por causa dun xeito de meme podcasteiro lanzado por Dani Aragay que nos pasaron os rapaces de Sounds OK, e nós despexamos de puños cara emilcar, porque dixo que a promo que lle gravamos para Pataca minuta era espantosa. Os palabrejos que terá el que dicir son: viva e pataca.



Baixar o mp3

• Stormy Mondays. On the run
• Fucking Mondays / Jodidos Lunes. Lucky You
• Moondogs Blues Party. Childhood soul
• Moonman. Hostage of an overcrowded man
• Josh Woodward. Shadows In The Moonlight
• Holgado. En diagonal

Enlaces relacionados: International Songwriting Competition, greed recordings, Josh woodward no last.fm, blocSonic, trastienda.org.

C'mmons baby!#09 (in memoriam John Balan + novidades galegas)

Con atraso, por causa de problemas de saúde (nada grave), chegamos cun c'mmons baby! especial dedicado ao recentemente falecido home-orquestra John Balan e ás novidades do panorama musical libre galego. É tamén máis longo do común, aínda que andamos cismando en facelo desta nova duración próxima aos 30 minutos para ter máis tempo para a música. Desculpai a voz algo tomada e tristeira, cousa do catarro.
Damos aviso do chamado que fan Fuzquenlla e Esquíos aos grupos galegos autoeditados para asociarse e facer forza común á marxe dos circuítos comerciais e a SGAE.
Falamos do novo disco d'Os Chiquilicuatres distribuido nun pendrive, e do resultado do certame A Coruña Son '08.
Queremos aproveitar para lembrar que temos abertas as portas aos artistas que publiquen baixo licenzas libres para axudalos, no que poidamos, a espallar a súa música; quen queira contactar con nós pode facelo en ictioscopio[arroba]gmail[ponto]com ou deixando un comentario no blog.
Pequeno abrazo tamén, e agarimo, para a amiga Lourixe, que perdeu días atrás ao seu pai ...abraços e beijinhos e carinhos sem ter fim.



Baixar o mp3

• Dandy Fever. John Balan
• Dandy Fever. Baila ska
• Esquíos. Un tipo normal
• Os Chiquilicuatres. Tres tragos
• Détour. Violoncello
• Novedades Carminha. John Balan song

Enlaces relacionados: Dandy Fever, no myspace; Gzcrea; Esquíos; Fuzquenlla; Komunikando.net; Os Chiquilicuatres; Détour; Novedades Carminha, no myspace; A Coruña Son; John Balan, sobre a súa biografía, no youtube.

Desculpas

Por problemas buco-faríxeos, o c'mmons baby! #09 vai adiarse uns días. Desculpai.

C'mmons baby! #08

Despois dos especiais regueifeiros, retomamos o fío e a nosa frecuencia cotiá de saír cada quince días. Foron días estes de moito movemento na música licenciada baixo copyleft, falamos o mínimo necesario para contar o máis sobranceiro. Agradecemos ao selo Unique Records da Franza a súa amabilidade e bo trato e falamos da súa iniciativa de agasallar cun compilado CD + DVD conmemorativo dos seus 5 anos de traballo pola compra dalgún dos seus paquetes en promoción. Tamén viaxamos até Arxentina para presentarvos dous dos máis recentes lanzamentos dese país tan achegado a nós. Despois, retornamos á península, ao irmán Portugal, para presentarvos unha faixa muito fixe que nos traen os mozos da caravana, dous lisboetas que cantan en inglés.
Non esquezades ir votar!


Baixar o mp3

• Angil & Hidd#ntracks. In Purdah
• Sync Filmico. Mercurio
• Sortie. Nada Bien
• The Guys from the Caravan. The guy from the caravan

Enlaces relacionados: Angil & The Hidd#ntracks, no myspace, oulipo; (we are) Unique Records; Sync Filmico, no purevolume, no myspace, o seu blog; Zona Indie; Canciones Pegajosas; Sortie, no purevolume, no myspace; The guys from the caravan, no myspace; Rasarte, o seu podcast; Rascunho; NIN.