06 maio 2016

8 anos / 80 cancións


Esta vai ser a escolma ultimate, resumo de oito anos de C'mmons baby! 

Aquí vou ir deitando aos poucos, para que as descarguedes, as faixas que forman parte da memoria desta andaina sonora; ao final, se vos presta, poderedes baixar a compilación enteira nun só .zip
Nota: Con grande dor de corazón van ficar fóra algunhas cancións que me gostaría ter escollido, por respeto os autores; que deixaron de aplicarlles as licenzas que antes permitían a súa distribución.
  1. The Dots. C'mon babe (LP Fashion For The Dressed And Naked, 2006) CC-BY-NC-SA
  2. Half Asleep. Morning dust soon (LP (We are now) seated in profile, 2005) CC-BY-NC-ND
  3. Angil. Beginning of the fall (LP Teaser for: matter, 2004) CC-BY-NC-ND
  4. The Crevulators. State of mine (EP The Crevulators, YANSR, 2006) CC-BY-NC-ND 
  5. Blanks.. Pouncer (LP Infinite lives, 2006)  CC-BY-NC-SA
  6. Projecto Mourente. Que me enterrem na discoteca (LP Baixo os eucaliptos, A Regueifa, 2006) CC-BY
  7. Fanny + Alexander. Cando eu era mozo (Finais dos 70s, comezos dos 80s, A Regueifa, 2007) CC-BY
  8. Holgado. En Diagonal (EP Peepshow, 2008) CC-BY-NC
  9. Josh Woodward. Nincompoop (LP Dirty Wings, 2007) CC-BY
  10. Moondogs Blues Party. Breakfast blues (LP O cadelo lunático, 2007) CC-BY-NC-SA
  11. Stormy Mondays. Weatherman (EP On my radio, 2010) CC-BY-NC-ND
  12. Sofarojo. No nos verán (LP Papel celofán, 2007) CC-BY-NC-ND
  13. Lara la. Cuando se esconde (LP Canciones pegajosas, Zonaindie, 2006) CC-BY-NC-ND
  14. Cursi y melancólico. Seremos un lugar (LP Sampler 07, Planeta X, 2007) CC-BY-NC-SA
  15. Juani y hermanxs. Date un don (en vivo) (LP Sampler 07, Planeta X, 2007) CC-BY-NC-SA
  16. Jóvenes y sexys. El reloj (EP Bruno, 2008, Pony Republic) CC-BY-NC-ND
  17. B fachada. San Francisco - Amsterdam (EP b sings the lusitanian blues, Merzbau, 2008) CC-BY-NC-ND
  18. The Wind Whistles. Gold fever (LP Window sills, Aaahh Records, 2008) CC-BY-NC-SA
  19. Rifle Nice. Come by it naturally (LP Rifle Nice, 2006) Free download
  20. Me dais poca. Administradorrr (EP Administradorrr, 2008) CC-BY-NC-ND
  21. Las buenas noches. El mal camino (LP Aventuras domésticas, 2008) CC-BY-NC-SA
  22. Mombojó. Homem-espuma (LP Homem-espuma, 2006) CC-BY- ? 
  23. The Singletons. Once upon a time (LP The Singletons, 2008) CC-BY-NC-SA
  24. Entertainment for the braindead. Resolutions (LP Hydrophobia, 2008) CC-BY-NC-SA
  25. Stealing Orchestra. Palpitações, Delírios e Mau Feitio ao Acordar (LP bu!, 2004) CC-BY-NC-ND
  26. Azevedo Silva. Sorrir (LP Tartaruga, 2007) CC-BY-NC
  27. Brad Sacks. Come back (LP Guess who's a mess, 2012) CC-BY-SA
  28. The Upstairs. Ku Nobatkan Jadi Fantasi (LP Ku Nobatkan Jadi Fantasi, YNWR, 2008)CC-BY-NC-SA
  29. America del Sur. I Don't Know You and We're Not Even Friends (LP America del Sur, Rack & Ruin Records, 2008)  CC-BY-NC-ND
  30. Insula Dulcamara. Gli occhi e la mani (EP L'Inchiostro Peggiore, 2007) CC-BY-NC-SA

22 abril 2016

Quero preparar un "grande finale"


Xa ben vedes que levo tempo sen emitir, non era a miña intención ter esta longa pausa, mais chegou o momento de tomar unha decisión.

Foron oito anos de músicas e falares, oito anos marabillosos...
Cando comecei esta andaina-andanza contaba con chegar ás cen emisións ou aos cinco anos, o que antes chegase, e rematar. Cheguei a cinco anos e seguín, dixen: até as cen! mais o pulo primixenio foi perdendo forza, e chegou o tempo de pechar isto por un tempo. Quen sabe se hei voltar, xa sabedes, C'mmons baby! naceu o día de defuntos e non pode morrer.

Mais antes da marcha, quero facer unha última emisión, e quería pedirvos colaboración, que fagades peticións de músicas que soaran aquí, descobertas, preguntas que me quixestes facer e que nunca me fixestes, mensaxes sonoras... o que vos pete, e facer entre todos unha última emisión (non quero dicir, derradeira, négome) épica, en común, entre todos, compartida, porque este proxecto naceu para iso, para compartir.

Podedes deixarme as suxestións (até o 5 de maio), preguntas, ou o que queirades, nos comentarios desta entrada, na conta de twitter (@commonsbaby), ou no correo do programa info@commonsbay.com.

02 novembro 2015

C'mmons baby! #89 (fillas da loba)


Facemos oito anos de emisións. Este de hoxe non é un programa especial, é un programa inmortal.
Queridos amigos, a natureza é cruel e salvaxe, só sobreviven os animais afoutos, como a loba; hoxe, día de defuntos, imos ouvear á lúa como quen venta o final. Aaauuuuuuhhhhhhh!! (duración: 23'20'').


baixar .mp3 / baixar .ogg


Ligazóns relacionadas: Blocsonic, Aaahh! Records.

01 xullo 2015

Encontro galego de Podcasting, GaliPod

Este sábado, 4 de xullo, vai haber un encontro de podcasteiros en Ourense, no Magma Espacio. Haberá obradoiros, un debate asembleario no que imos falar sobre a organización do poscasting en Galicia e o seu aquel, xantar pola zona de viños e, pola tarde, gravación de falangullos ao vivo... En fin, sexas podcasteiro ou ouvinte... Tes que vir!
Como queremos saber, máis ou menos, canta xente vai vir creamos un formulario de inscrición, onde podes atopar, tamén, máis información sobre o Encontro.

26 xuño 2015

Faixa fixe da semana (17): "Plastic & Flashing Lights", Professor Kliq

Plastic & Flashing Lights podería considerarse un deses "grandes éxitos" da música electrónica publicada baixo licenzas CC. Apareceu en outubro do 2008 no álbum The Scientific Method, Volume II: Experiments in Sound & Perspective, do Professor Kliq.
Aproveitamos que vén de lanzar novo disco, The Scientific Method, Volume III para darlle unha lembranza.

10 xuño 2015

Faixa fixe da semana (16): "Bury you", Vita and The Woolf


Vita and The Woolf é unha banda de Philadelphia liderada por Jen Pague e esa súa voz que mete medo do espectacular que é. Como mostra, esta faixa, Bury you, acompañada só dun teclado, coa que pretendían convencer a xente para axudalos a gravar o seu novo disco, e abofé que convenceu.

+ info: o seu bandacamp, o seu soundcloud, o seu twitter, o seu facebook.

01 xuño 2015

C'mmons baby! #88 (arregueifadas)

Cb!88

Regueifar regueifarei, loguiño de comezar, temos hoxe no C'mmons baby! hiphopiño, un verso e tamén rap. Un xénero pouco tocado no programa do que ía sendo tempo xa de botar unha picada.(duración: 23'33'').


baixar .mp3 / baixar .ogg

Ligazóns relacionadas: BlocsonicPoni Republic, Yamamoto en Cb!, Poética Lunik.

22 maio 2015

Faixa fixe da semana (15): "Uh, uh, uh!", The Homens


Aproveitamos que o vindeiro 12 de xuño The Homens se arrexuntan, despois de catro anos para dar un concerto na Sala Capitol de Santiago, para dedicarlles a faixa fixe da semana.
“Vamos facelo con todas as súas consecuencias, arramplando cun repertorio de oldies e de zurra estrema, en formación de a catro, con Tomás Ageitos aos mandos técnicos e outra vez coas zamarras de raias”.

Non é sinxelo escoller unha soa faixa de todo o seu repertorio (a propósito, para axurdarlles a escoller as que vaian soar ese día, aquí teñen un formulario no que podedes marcar as vosas favoritas), mais decidimos torcer por "Uh, uh, uuh!" que fora escolmada naquel mítico compilado Share It Spread It Love It que publicara a plataforma alemana Metawelle no 2007 e que tan bos descubrimentos nos dera.

 +info: The Homens no bandcamp, o seu facebook, o seu twitter; Sala Capitol.

cookieassistant.com